11 ნოემბერს, ენერგოდაზოგვის საერთაშორისო დღის აღსანიშნავად, თბილისში, რიყის პარკში, ენერგოეფექტურობის ფესტივალი ჩატარდა. ღონისძიება გაიმართა არასამთავრობო ორგანიზაციის „ეკოხედვა/EcoVision” მიერ, საერთაშორისო სასკოლო პროექტის “SPARE” ფარგლებში. ფესტივალის პარტნიორია კომპანია ინტეკი - ინოვაციური ტექნიკის მაღაზია. ენერგოეფექტურობის ფესტივალი უკვე მეორე წელია იმართება „ეკოხედვას/EcoVision” მიერ.

 

11-11-2017

2017 წლის 18 ოქტომბერს, "ეკოხედვას/EcoVision" ოფისში, ჩატარდა შეხვედრა მარველის კომიქსების ერთ-ერთ ავტორთან დევიდ მეკთან. შეხვედრა აშშ-ის საელჩოს საქართველოში ორგანიზებით გაიმართა. შეხვედრას აშშ-ის საელჩოს კულტურის ატაშე დემიენ უომპლერიც ესწრებოდა. 

19-10-2017

2017 წლის 11 ოქტომბერს, პროექტის "SPARE" ფარგლებში, ჩატარდა ტრენინგი ბრიტანულ-ქართული აკადემიის მოსწავლეთათვის. მასში მონაწილეობა მიიღო 120-ზე მეტმა მოსწავლემ. ტრენინგის ძირითადი თემა იყო წყლის რესურსები და მისი მნიშვნელობა. 

11-10-2017

2017 წლის 30 სექტემბერს, არასამთავრობო ორგანიზაციამ „ეკოხედვა/Ecovision", პროექტის „SPARE“ ფარგლებში,  ილიაუნის სამეცნიერო პიკნიკში მიიღო მონაწილეობა, რომელიც ვაკის პარკში გაიმართა. „ეკოხედვას/Ecovision" კარავს ბევრი ადამიანი ესტუმრა და გაეცნო წარმოდგენილ ენერგოეფექტურ მოწყობილობებს, წიგნებს, ბუკლეტებს,  ბროშურებსა და თამაშებს გარემოს დაცვის შესახებ. 

2-10-2017

2017 წლის ივნისიდან სექტემბრამდე, კოლხეთის, ჯავახეთისა და თუშეთის დაცულ ტერიტორიებზე, მოეწყო საზაფხულო ეკობანაკები „ეკოხედვა“, არასამთავრობო ორგანიზაცია „ეკოხედვას/EcoVision“ ორგანიზებით, განათლებისა და მეცნიერების სამინისტროსა და ორგანიზაცია „მოქალაქეს“ მხარდაჭერით. ბანაკებში მონაწილეობა მიიღო 2000-მდე სკოლის მოსწავლემ - პროექტის „SPARE” კონკურსის, ორგანიზაციის „მოქალაქე“ სამოქალაქო ოლიმპიადის, კამპანიის „დაზოგე წყალი“ გამარჯვებული მოსწავლეები და ასევე განათლების სამინისტროს პროგრამის „დავისვენოთ და ვისწავლოთ ერთად“ მონაწილე ბავშვები. 

20-09-2017

2017 წლის 11 აგვისტოს, სასტუმრო „თბილისი მარიოტში“, საქართველოს წითელი ჯვრის საზოგადოებამ ჩაატარა კლიმატური ცვლილებების აღმოსავლეთ ფორუმი II ფაზის შემაჯამებელი შეხვედრა, რომელიც მიზნად ისახავდა პროექტში განხორციელებული საქმიანობების პრეზენტაციას, შედეგების გაცნობას და სამომავლო გეგმების დასახვას. 

14-08-2017