თამაში თბილისის ბოტანიკურ ბაღში

2019 წლის 31 მაისს, თბილისის ბოტანიკურ ბაღში ჩატარდა პროექტი - "თამაში ბოტანიკურ ბაღში", თბილისის ბოტანიკური ბაღის, არასამთავრობო ორგანიზაცია - "ეკოხედვა - EcoVision"-ის ხელშეწყობითა და გერმანიის თანამშრომლობის საზოგადოების "(GIZ) მხარდაჭერით.

პროექტი 2009 წლიდან ყოველწლიურად ტარდება, თბილისის 52-ე სკოლის ინიციატივით, რომელსაც თავის მხრივ, თანამშრომლობას უწევს "საზღვარგარეთ გერმანული ენის სწავლების ცენტრი". პროექტის ფარგლებში გაერთიანებულია 10 გერმანულ ენოვანი სკოლა. ესენია : თბილისის 52-ე საჯარო სკოლა, თბილისის პირველი ექსპერიმენტული საჯარო სკოლა, თბილისის 195-ე საჯარო სკოლა, ვალდორფის სკოლა, თბილისის 21-ე საჯარო სკოლა, თბილისის 20-ე საჯარო სკოლა, თბილისის 83-ე საჯარო სკოლა, ანი-ძეტ რობერტ შუმანის ევროპული სასწავლებელი, ქართული სასწავლებელი და სასწავლო ცენტრი ჯი-ელ-სი. 

 

თამაში თბილისის ბოტანიკურ ბაღში
თამაში თბილისის ბოტანიკურ ბაღში

ამჯერად, პროექტში მონაწილეობა მიიღო 6-მა მოსწავლემ თითოეული სკოლიდან, რომლებსაც გადაეცათ თბილისის ბოტანიკური ბაღის რუკა. მოსწავლეებს დღის განმავლობაში უნდა შეესრულებინათ 5 დავალება შემდეგი თემატიკებიდან: ქვეყანათმცოდნეობა, ბოტანიკა, ლექსიკა, ზღაპრები და სპორტი. აღსანიშნავია, რომ

ბოტანიკის დავალება გულისხმობდა - თბილისში გავრცელებული სხვა და სხვა ფრინველების ხმების გამოცნობას.

თითოეული დავალების შესრულებისას მონაწილეები აგროვებდნენ ქულებს. დღის ბოლოს კი, დაგროვილი ქულების ჯამის მიხედვით, გამარჯვებული გახდა თბილისის პირველი ექსპერიმენტული საჯარო სკოლა. არასამთავრობო ორგანიზაცია - "ეკოხედვა - EcoVision- მა" თითოეული მონაწილე დაასაჩუქრა გარემოსდაცვითი კომიქსებით, კალენდრებით, სამახსოვრო წიგნაკებითა და სტიკერებით.

 

თამაში თბილისის ბოტანიკურ ბაღში

31-05-2019
http://ecovision.ge/uploads/posts/2019-06/1559402302_61791323_458836051546914_6710395085806108672_n.jpg