2016 წლის 4 ოქტომბერს, "ეკოხედვას/EcoVision" ოფისში, პროექტის "SPARE" ფარგლებში, გაიმართა შეხვედრა ევროკავშირის პროგრამის „Inogate” მდგრადი ენერგეტიკის ექსპერტთან ალექსანდრ ანტონენკოსთან. „Inogate” რეგიონული ენერგეტიკული თანამშრომლობის პროგრამაა ევროკავშირსა და მის პარტნიორ 11 ქვეყანას შორის. შეხვედრას ასევე დაესწრნენ თბილისის მერიის წარმომადგენლები. "ეკოხედვას/EcoVision" წარმომადგენლებმა ჩაატარეს პრეზენტაცია საკუთარი გამოცდილების შესახებ მდგრადი ენერგეტიკის, ენერგოეფექტურობისა და ენერგოდაზოგვის კუთხით. 

4-10-2016

2016 წლის 24 სექტემბერს, არასამთავრობო ორგანიზაციამ „ეკოხედვა/Ecovision", პროექტის „SPARE“ ფარგლებში,  ილიაუნის სამეცნიერო პიკნიკში მიიღო მონაწილეობა, რომელიც ვაკის პარკში გაიმართა. „ეკოხედვას/Ecovision" კარავს ბევრი ადამიანი ესტუმრა და გაეცნო წარმოდგენილ ენერგოეფექტურ მოწყობილობებს, წიგნებს, ბუკლეტებს, პლაკატებს, ბროშურებსა და თამაშებს გარემოს დაცვის შესახებ. 

24-09-2016

2016 წლის 15 და 22 სექტემბერს, არასამთავრობო ორგანიზაციის „ეკოხედვა/EcoVision“ წარმომადგენლები ზუგდიდს და გორს ესტუმრნენ. მათ, პროექტის „SPARE” ფარგლებში, ზუგდიდის 2 სკოლას და გორის 3 სკოლას თითო ენერგოეფექტური ღუმელი გადასცეს. აღნიშნულ სკოლებში არსებული ჩვეულებრივი ღუმელების ნაცვლად დამონტაჟდა ენერგოეფექტური ღუმელები. 

22-09-2016

არასამთავრობო ორგანიზაციის „ეკოხედვა/EcoVision“ და KfW - გერმანიის განვითარების ბანკის ორგანიზებით, გაკეთდა საინფორმაციო ბანერები, წარწერებით „მადლობა, რომ არ ყრით ნაგავს!“. ბანერები დაიდგა 8 სხვადასხვა ლოკაციაზე თბილისსა და მიმდებარე რეგიონებში. ამ ადგილებში 2016 წლის მაისში, ჩატარდა მასშტაბური დასუფთავების აქციები კამპანიის „დასუფთავების დღე არის ყოველდღე“ ფარგლებში.

2-09-2016

საზაფხულო ეკობანაკებში „ეკოხედვა 2016“ სხვადასხვა შემეცნებით თუ გასართობ აქტივობასთან ერთად ჩატარდა ტრენინგები ბიომრავალფეროვნების შესახებ. შეხვედრები გაიმართა პროექტის „SPARE” (ენერგიისა და რესურსების გამოყენების საერთაშორისო სასკოლო პროექტი) ფარგლებში. ლექციები წაიკითხეს ამ დარგის პროფესორებმა და ექსპერტებმა. 

20-08-2016

2016 წლის ივნისიდან სექტემბრამდე, კოლხეთის, ბორჯომ-ხარაგულისა და თუშეთის დაცულ ტერიტორიებზე, მოეწყო საზაფხულო ეკობანაკები „ეკოხედვა 2016“, არასამთავრობო ორგანიზაცია „ეკოხედვას/EcoVision“ ორგანიზებითა და „მოქალაქეს“ მხარდაჭერით. ბანაკებში მონაწილეობა მიიღო 400-მდე სკოლის მოსწავლემ - გადაცემის „ეკოვიზია“ ვიქტორინის, პროექტის „SPARE” კონკურსის, ორგანიზაციის „მოქალაქე“ სამოქალაქო ოლიმპიადისა და „ეკოხედვას/EcoVision” მიერ გამართული სხვადასხვა კონკურსისა და ეკოვიქტორინის გამარჯვებულმა ბავშვებმა. 

 

20-08-2016

საზაფხულო ეკობანაკებში „ეკოხედვა 2016“ სხვადასხვა შემეცნებით თუ გასართობ აქტივობასთან ერთად ჩატარდა ტრენინგები ენერგოეფექტურობისა და ენერგოდაზოგვის თემებზე. შეხვედრები გაიმართა პროექტის „SPARE” (ენერგიისა და რესურსების გამოყენების საერთაშორისო სასკოლო პროექტი) ფარგლებში. ლექციები წაიკითხეს ამ დარგის პროფესორებმა და ექსპერტებმა. ეკობანაკის მონაწილე ბავშვებს ასევე მიეწოდათ ინფორმაცია პროექტის „SPARE” შესახებ და სკოლებში ეკოკლუბების შექმნის შესაძლებლობების შესახებ. ტრენინგებმა ეკობანაკელებს შორის დიდი ინტერესი გამოიწვია. მათ მიერ დასმულ შეკითხვებს გაეცათ ამომწურავი პასუხები. ტრენინგების ფარგლებში მოსწავლეებმა მოამზადეს პრეზენტაციები ენერგოეფექტურობის, ენერგოდაზოგვის და კლიმატის ცვლილების შესახებ. 

19-08-2016

2016 - საქართველოს კლიმატის ცვლილებისა და მასთან დაკავშირებული საზოგადოებრივი ჯანმრთელობის დაცვის პოლიტიკის შეფასება (საქართველოს წითელი ჯვარი)

16-08-2016

2016 წლის 6 აგვისტოს, საქართველოს გარემოსა და ბუნებრივი რესურსების დაცვის მინისტრი გიგლა აგულაშვილი საზაფხულო ეკობანაკს „ეკოხედვა 2016“ ცემში ესტუმრა, გაეცნო მათ პროგრამას, გაესაუბრა ბანაკის ლიდერებსა და მონაწილეებს. 

15-08-2016

გადაცემის თემაა: ეკობანაკი „ეკოხედვა 2016“, 26.06.2016

22-07-2016

გადაცემის თემაა: ხეები თბილისში, 19.06.2016

 

22-07-2016

გადაცემის თემაა: ლოკოკინები, 12.06.2016

22-07-2016

გადაცემის თემაა: თბილისის ბაღებ, 05.06.2016

22-07-2016

გადაცემის თემაა: დაცული ტერიტორიები, 29.05.2016

 

22-07-2016

2016 წლის 3-7 ივლისს, "ეკოხედვას/EcoVision" და მისი პარტნიორი ორგანიზაციის „Світ освіт“ ორგანიზებით, მოეწყო უკრაინელი კოლეგების სამუშაო ვიზიტი საქართველოში. ღონისძიება ჩატარდა პროექტის "SPARE" ფარგლებში და საქართველოში ჩამოვიდნენ უკრაინის განათლების სამინისტროს და უკრაინული გარემოსდაცვითი ორგანიზაციის „Світ освіт“ წარმომადგენლები.

7-07-2016

2016 წლის 14-30 ივნისს, ჩატარდა ტრენინგები „გარემოსდაცვითი განათლება მდგრადი განვითრებისათვის“ 20-მდე სკოლის პედაგოგებისთვის. ტრენინგები გაიმართა არასამთავრობო ორგანიზაციის „ეკოხედვა/EcoVision“ ორგანიზებით, პროექტის „SPARE” (ენერგიისა და რესურსების გამოყენების საერთაშორისო სასკოლო პროექტი) ფარგლებში. პედაგოგებს მიეწოდათ ინფორმაცია პროექტის შესახებ, ასევე სკოლებში ეკოკლუბების შექმნის შესაძლებლობების შესახებ.  

5-07-2016